Kahalagahan ng Pag-aaral

Layunin ng pananaliksik na ito na magbigay kaalaman sa mga mananaliksik ukol

sa mga dahilan ng pagtangkilik ng mga kabataan sa mga literaturang Ingles. Mas
madaling nakukuha ang atensyon ng mga mambabasa sa mga nobelang gawa ng mga
Amerikano. Ang pananaliksik na ito ay upang malaman rin kung ano ang epekto ng
pagbabasa nito sa mga mananaliksik lalo nat mismong ang mga mananaliksik ay
nagbabasa rin ng literaturang Ingles.
Makapagbibigay din ito ng kasagutan o detalye para sa mga magulang na may
katanungan kung bakit ang kanilang mga anak ay mas tinatangkilik ang mga
banyagang nobela. At kung papaano naaapektuhan ng mga nobelang binabasa ng
kanilang mga anak ang pagkilos, pag-iisip, pakikipag-usap pati na rin ang kanilang
persepsyon.
Ang pananaliksik na ito ay nagsisilbing paraan upang matulungan ang mga
estudyante ng PUP na magkaroon ng kaalaman sa estado ng panitikang Amerikano sa
Pilipinas at dahilan ng maunlad na pagtangkilik dito. Malaki ang magiging epekto nito sa
pag-unlad ng ating ekonomiya sa larangan ng panitikan.
Mahalaga ang pananaliksik na ito sa mga mag-aaral sa hinaharap na maaaring
gamitin sa pagkuha ng impormasyon. Ito ay maaari ring pagkunan ng impormasyon ng
mga mag-aaral upang maging kaugnay na literatura sa kanilang pananaliksik.
Makatutulong ang pananaliksik na ito sa mga guro upang malaman nila kung
bakit hindi na gaanong bihasa magsalita o magpahayag ng sariling nadarama ang
ibang mga estudyante sa wikang tagalog. Lumalawak ang kanilang bokabularyo sa

pagbabasa sa wikang Ingles na nagiging dahilan kung bakit tila nakakalimutan na nila
ang ilang malalalim na tagalog. Ito ay makatutulong sa mga guro sa sekondarya ng
asignaturang Filipino na nagtataka kung bakit ang kanilang mga estudyante ay ganoon.
Magsisilbing panghikayat sa mga manunulat ang pananaliksik na ito na
ipagpatuloy pa ang pagsusulat ng mga nobelang Filipino upang mapaunlad ito sa kabila
ng hamon ng pagtangkilik ng mga kabataan sa mga banyagang nobela.