SI Dok! Ang piho nga solusyon!

Sa akon pagmata sang sini nga aga

kakugmat ang akon nabatayagan
kadidlaw sa entablado luyag ko nga mapunan
Apang pagpangduwa-duwa man sa gihapon
sa tagipusuon ang nagadalagan.
Sa atun mga gwapuhon, gwapahun kag
artistahun
nga mga hurado nga yara sa ila mga
pulungkuan,
sa akon mga mga abyan kag kaclase,
isa ka maayad-ayad nga aga sa inyo nga
tanan.
Indi lipod sa atun ihibalo nga kita nga mga
tawo,
Masami, kun ubo, sip-on ukon sakit sang ulo,
Kita magakadto sa atun kilala, ukon paborito
Nga doctor nga nagatatap kag nagabulig gid
sa tawo.
Malayo, malutak, mainit ang masami rason
Kun ngaa ang atun mga abyan sa bukid indi
gid kapaidalum.
Magpanimuko, huruhikbi, bulubaston
Basta nalng magsarig sa mga utan-utanon.
Masami, mahal kuno si dok ukon kamahal
man sang bulong
Ukon, sa dason lang, ubo lang man ini, sa
tubig lang padag-on
Hasta nga nangin pulmonya, TB ukon
magdupla na sang dugo
Hasta nga nangin grabe na ang sang una
daw plema palang.
Madamo, OO, madamo. Madata na kung sa
madata
Pero, atun panumdumon, ini indi tanan
Kay madamo sang doctor ang may
bulawanon nga tagipusuon
Nga sa imo handa mag panaog kag
maghatag sing atensyon.
Doctors to the Barrios, Doctors without
borders,
Ang pila lang sa mga proyekto upod ang atun
mga doctors
Doktor nga praybeyt pero sa imul naga ulikid
Tungod sa kaluoy, magtalikod, ang luha
naga-ilig.
Ang kalibutan madasig nga nagabag-o
Kun ang iban wala sang plano kun diin
makadto
Ibahun niyo ang doctors niyo, tanan planado
Pati mismo pagkaon dapat yara sa sakto nga
plano.

Kita mag-abi-abi sang mga mensahe nga

dapat gid natun paminsaron
Ang mga doctor, indi lamang maga hiwa
ukon pamati sang imo likod
Sila ang mga indi ordinarydo nga katawhan
nga nagpulaw-bugtaw para malab ot ang ila
bokasyon.
Sampat gid lamang nga kita naga diskusyon
Sang mga mahatag sang atun mga tagipusuon,
Sampat gid lamang nga atun tukibon
Mga simple, apang mataas nga handom sang
atun mga propesyon.
Sa akon pagpang lakaton padulong sa sini
nga buluthuan
Madamo ako sang nakit-an kag nahibal-an
Ang atun mga doctor masami nagapa-ugyon
man
Sang atun sosyodad kag komunidad nga
masami daw nalukpan.
Sa tanan nga kabudlay, sige lang, bato, bato
Miskan indi na masarangan, sige lang, bato
Wala gid gina paminsar ang tinaga nga suko
Basta para sa ikaayo, sige lang bato.
Maabot ang tini-on nga kita ang mamangkot
Anu bala ang ang akon binuhatan nga ila
man napuslan?
Madamo sang pwede mahitabo pero ang
pagbag-o
Nga imo ginahangop imo bala naangkon?
Sa pala-abuton, kita maga abanse pa
Madamo sang bag-o ukon mas high tech pa,
Apang ang atun doctors yara gihapon miskan
mal-am na
Para sa imo magasakripisyo pa.
Imol kaman ukon manggaranon,
Sa opisina sang doctor ikaw isa ka lamharon
Wala sang VIP ukon manggaran
Kay sa pila, first come, first serve ang
sitwasyon
Kun atun dal-on sa eleksyon, Piho! Si doc
ang solusyon.
Segurado nga serbisyo publiko ang handum
Indi parehas sang iban nga sa kabudlay kuno
nagbangon
pero bilyon-bilyon ang gin angkon.
Gani, kun atun paminsaron
Ang simple nga thank you, dako gid ang
pagbaton.
Ang kalipay kag pagdaug
Sa pag-ayu lang gid maangkon.

Sa atun nga pagpanglakton,

Atun gid nga panumdumon
Ang mga doctor wala gamanggaranon

Pero sila ang gabangon para sa mga

lamharon.