Tula Na Walang Sukat

Bumoto ng Tama

Bulag Ka, Juan

ni: Ariana Trinidad

Bumaon sa tao,
Kuko ng pangako,
At ngiti ng pulitiko,
Na plantsado pati kwelyo.

Bundat ang bulsikot

Sa pangungurakot,
Ang kaban: sinimot.
Sinaid pati ipot.

Sa eleksyon lang nakita,

Ang kumag na kongresista,
Pagkat nakatago sa lungga,
Ng kaniyang malamig na kuta.

Tuso si Hudas
Planado ang lahat
Walang mga pekas
Kahit isang bakas.

Tahimik sa buong taon

Maingay sa eleksyon
Parang naghahamon
Wala kasing laman ang garapon.

Ang hahatol ay bulag

Bingi ang katulad
Kaya nakaligtas
Ang lider na huwad.

Ang bulsa ng pagkatao

Ng hayop sa Kongreso,
Ay nakadeposito
Sa bituka ng bangko.

Kailan ititigil ni Juan

Ang pakikipagbolahan
Sa bingo ng gahaman
At roleta ng kasakiman?

Inumit na salapi
Walang makapagsabi
Kahit na piping saksi
Kalat-kalat kasi.

(daang-bukid 2012)
BULAG KA, JUAN- tula ni Ariana
Trinidad - halimbawa ng tagalog na
tulana walang sukat

Tula sa Malayang Taludturan

Hindi Kami

Image Credit
Ang Aking Pangarap
ni: Kiko Manalo

Pangarap kong magbakasyon

Kapiling ang hanging Habagat
At kamiy maglilimayon
Sa mga ilog at dagat.
Ipagmamalaki ko sa kanya
Na hindi galing sa atin ang basura,
Na naglutang sa dalampasigan.
Ng Kamaynilaan.
Sa lungsod ko siya igagala
Doon sa nilalakaran ng rodilyo
At sa gilid ay nagtayo
Ang mga pabrika ng bata.
Ipagmamalaki ko sa kanya,
Na ang mga nakatira
Ay hindi nagtatapon ng basura

Sa mga kanal at kalsada.

Ililigid ko siya nang masigla
Sa mga bundok at gubat,
Na ginawang pugad
Ng mga tumakas sa siyudad.
Ipagmamalaki ko sa kanya
Na ang mga punong matatayog,
Na pinutol at nililok
Ay naging santong bantayog!
Upang siyay malibang
Makapag-unwind, ma-relax,
At hindi na makapaminsala
Sa bayan kong Pilipinas!
Ito ang aking pangarap.