Akala ko kung anong problema Di ko man lang nakita Na magtataksila ka na pala Binigay ko naman sayo lahat May kasalanan ba kong ginawa? At sa importanteng okasyon ka pa manggugulo Kulang pa ba ang alone time minsan sa isang linggo? Nag missed call ka na naman Akala ko tayo ay nagkaintindihan Di ba sinabi ko na sayo May tamang lugar para sa tawag na ganito? Pero nandiyan ka pa din nagpapansin Tawag ka ng tawag, di kita sasagutin Kahit na kinakabahan, pinagpapawisan, Nanginginig ang buong katawan Eh kasi naman pinagkatiwalaan kita Rinig mo ang daing ko pag nandiyan ka, Saksi ka sa mga tsokolate tuwing malungkot At mga alak tuwing nabubugnot Oo, alam mo ang lahat ng sikreto ko Lahat ng baho, ngayon dala dala mo Kaya nga natatakot ako Ibubunyag mo na ba sa mga tao dito? Patuloy pa nga ang missed calls mo Talagang tinatapat mo sa okasyong ito Na nasa harap ako ng madaming tao Ipapahiya mo na nga ata ako. Pero hindi. Hindi ako mapapahiya. Sige na, sasagutin na kita. Kaya sa lahat, pasensiya na po Akoy dederetso na ng banyo. Najejebs na po.