TRI HITA KARANA

Nyaluk jam sia peteng, bulane masunar galang, ngalangin keneh Men Sariadi
sedek ngaturang bakti di Sanggah. oh Hyang Widhi galang rasa keneh
tiange,dumogi jagate tetep trepti manut ring Tri Hita Karana. Pekarangan
umahne kanten asri. Wenten bunga Mawa, angsoka, jempiring, pacar sona,
kenyeri, wijaya kusuma, jepun pada mabunga kantun lum-lum nedeng
kembang. I kedis puteh mamunyi tan rerenan cut...cutcutcutcuit
cuit.2x
Suud ngaturang bakti Men Sariadi encol milpilang jajahitan, nyangra
anggarakasih parangbakat, odalan di pura kawitan. Busung, ron, tiuk, semat
katampedang. Nah suba laut peteng masare nen malu, mani buin tugtugan
gaene.
Satonden ngojog pasarean, buka ane sesai, Men Sariadi satata nelokin
pianakne. Nah tinggalin nen malu suba ya Luh Sariadi ngajak I Nyoman
Dipta sirep?. Bagia keneh Men Sariadi nepuk pianak suba pada kelih.
Luh Sariadi jani suba kelas dua SMP, adine I Nyoman Dipta mara kelas 6 SD.
Di Keneh Men Sariadi satata makenyem, angayubagia, buka membah suecan
Widhine kerasayang.bagia rasa keneh tiange ninggalin pianakke suba pada
kelih-kelih
Ye ne makadadua pianak Meme dadi tonden sirep, Men Sariadi
nyapatin ceningne.
Tiang kari nutugang maca satuane I Lubangkuri. Buin mani redite,
muride tusing masuk, Luh Sariadi masaut.
Suba peteng Ning, sirep malu, buin mani pang nyidaang bangun
semeng, tulungin I Bapa ngayah, makedas-kedas di Pura, wireh buin petang
dina jani odalan di pura kawitan.
Nggih Me, buin mani nu ruput tiang lakar bangun, nulungin I Bapa
makedas-kedas di pura Nyoman Dipta masaut.
Nah keto suba Ning, apang tusing iraga dogen sesai mapayas,
parahyangane apang satata masi kedas, asri karentebin sarwa bunga, donne
gadang tur lom, ento ngawinang kenehe bungah.

Buka pitutur gurun tiang di sekolah, nika sampun madan tri hita
karana Me, tetelu jalaran iraga mang-gih kerahyuan sekala-niskala di jagate,
Luh Sariadi ngimbuhin Memenne.
Tegarang tuturang Ning, apa ane madan tri hita karana ne ento, Men
Sariadi nakonin pianakne.
Nah kene to Me, buka ane tuturanga teken gurun tiange di sekolah, tri
hita karana ento dasar idup sekala-niskala, anggo miara, maripurna sedaging
jagat Ada tetelu ane patut upadiang apang jagat lan sedagingne nemu ane
madan hita, landuh, sadia rahayu:, Luh Sariadi ngawekasang pitutur gurune.
Bacak saka besik, paubungan jadmane makejang apang pada
kesadian, kadasarin manah ening, paras-paros, salunglung sabayantaka, tat
twam asi, olas asih. Sabeten langit, saduur gumi makejang ento pawakan
nyama, pakardin Bhatara Widhi. Eda pesan minaang manusa sangkaning
iraga salah tarka, ulian kulit, ulian soroh, ulian wangsa, ulian agama, ulian
sugih, kalawan tiwas.
Bacakan ane kaping ro, paubungan jadmane mareping pajagatan
apang adung. Wewidangane apang satata kertih. Alas, gunung, danu, tukad,
kelebutan, grembeng, sagara, pasisi, tlajakan, apanga satata kapiara. Keto
masi sarwa pranine, gumatat-gumitit, sarwa baburon iraga apang satata
asih-kumasih. Yening suba keto baan nabdabin, sinah iraga ajak makejang
nemu rahayu.
Nah Bacakan ane paling untat, paubungan jadmane mareping Widhi.
Ne tuara dadi engsapang. Widhine, sang maraga urip ngawinang urip
sahananing mauirip di jagate. Prabotang deweke anggo mapangayah-ayah
mareping sang maurip. Dasarin papineh, pangwecana, laksana darma sadu.
Pahrayangan, genah iraga nunas pamaripurna, genah angayu bagia apang
satata masi bersih.
Nah keto tiang tuturipa teken Bapak Guru di sekolah, ento kone
madan tri hita karana tatwa, anggo dasar idup, sepat siku-siku sadina-dina.
Mimih, . Dewa ratu, buka paragaan dewa Cening mapitur mareping
Meme, lega pesan Meme mapianak teken Cning, Men Sariadi angayu bagia.