MGA
man sang mga tao nga ginluwas ni Kristo
SEREMONYAS
SANG PAGBUNYAG
ANG LITURHIYA SANG PULONG
a. PAMBUKAS NGA KANTA:
Ngaa bala nagakanta kita sa pagsugod
sang selebrasyon sang Bunyag? Kay ini
nga okasyon pinasahi nga piesta; piesta
sang bag-o nga kabuhi, kon sayoron, ang
mga bulunyagan mahimo nga bag-o nga
mga tinuga kaupod kay Kristo. Kon piesta
gani, may Musika, ti, amo man sa bunyag;
gani magkalipay kita kag magbuylog sa
pagkanta sing bibo gid.
b. MGA PAMANGKOT
Ang Pari maga-abi-abi sa tanan nga mga
tumalambong kag dason, magapamangkot
siya kon ano ang ginapangayo nila para sa
mga bata. Ang hayag nga pagsabat sa sini
nga pamangkot, nagakahulogan nga ang
mga ginikanan, may mainit nga handum
kag katuyoan sa pag-ambit sang
Kristohanon nga Pagtoo sa ila mga
kabataan.
c. KATUNGDANAN SA PAGTUDLO
SANG MGA BATA
Sa sini nga tion, ang mga ginikanan,
subong nahauna nga mga manunudlo sang
ila mga bata ginapahanumdum sang ila
katungdanan sa pagtoytoy kag sa pagtudlo
sang ila mga bata sa pagtoo. Mga kabulig
ang mga Maninoy sa amo nga
katungdanan ilabi na gid kon
nagapatumbaya ang mga ginikanan sang
ila katungdanan.
d. ANG TIMAAN SANG KRUS.
Ginakrusan sang mga ginikanan, mga
maninoy kag maninay ang agtang sang
bata, timaan nga ginabaton nila ang ila
PAROKYA NI SAN JUAN DE
katungdanan. Ining pag-pat-in sang NEPOMUCENO
Krus
sa bata nagakahulogan nga ginabatonAnini-y, Antique
naton siya subong miembro sang
Kristohanon nga Katilingban, kag isa siya
paagi sa Krus, kag pagahatagan siya sang
kabuhi paagi sa Pagkabanhaw.
e. PAGBASA GIKAN SA BIBLIYA
Subong mga Kristiyanos ginabasehan
naton ang aton pagginawi sa Biblia. Sa
pagbasa kag sa pagtasar sang aton kabuhi
sa Pulong sang Dios, mahibaloan naton
kon ano gid bala ang katuyoan sang aton
Ginuo para sa aton, mga binunyagan.
Ngaa bala sa Biblia gid ginakuha ang mga
balasahon? Kay ang Biblia amo ang libro
nga ginsulatan sang Pulong sang Dios, ang
estorya sang aton kaluwasan, nga gindala
sang aton Ginuong Jesukristo. Pagkatapos
sang pagbasa, may malip-ot nga
pagsaysay ang pari parte sa pulong nga
ginbasa.
f. MGA PALANGADION SANG MGA
TUMULUO
Sa sini nga bahin, nagapangamuyo kita
para sa mga bulunyagan; ang ila mga
ginikanan; mga maninoy/ maninay. Ngaa
bala nagapangamuyo kita para sa ila? Kay
kita mahayluhon kag maluya nga mga
tawo, gani ginakinahanglan naton ang
pangamuyo agud nga mangin mabakud
kita nga mga sumulunod ni Kristo.
Nagapangamuyo kita man sa mga Santos
kay mga umalampo naton sila.
Kinahanglan naton ang ila pagbulig lakip
ang pagbulig sang isa kag isa kay ang aton
kabuhi, komo Kristiyanos, masyado
kabudlay, kag may daku nga salabton kita,
gani magbuylog kita sa pagpakigbahin sing
tagipusuon.
g. PAGSOBOL SANG MALAUT NGA
ESPIRITU
Ang pari magabayaw sang iya mga kamot
samtang nagapangamuyo siya nga
luwason
ang mga bulunyagan sa tanan nga
paglalang kag sang impluwensya sang
yawa, kag agud nga ipadala sang Espiritu
sang Dios sa pagtalus sa malain nga
espiritu. Ngaa bala? Anak bala sang yawa
ang bata? Indi gid, ugaling ara na siya sa
sala nga panublion.
ANG LITURHIYA SANG
SAKRAMENTO SANG BUNYAG
a. Pagbendisyon sang Tubig
Ginabendisyonan anay ang tubig,
subong man sang iban nga mga bagay
nga ginagamit sang tawo, agud nga
mangin epektibo nga larawan sang
kabuhi.
b. Pagsikway kay Satanas
Nagasikway Kami, kon sayoron,
ginabayaan naton ang tanan nga mga
kasal-anan kag mga malaut nga mga
handum agud nga mangin takus sa
pagsunod kay Kristo.
c. Pagpahayag sang Pagtuo
Ginapahayag naton ini paagi sa
pagpangadi sang Tinmutuo Ako, nga
nagakahulugan sang aton pagtuo kag
paghigugma sa aton Amay nga
Manugtuga, sa Anak nga Manluluwas
kag sa Espiritu Santo nga amo ang
manugtuytoy sang aton kabuhi.
d. Pagbunyag
Ini amo ang isa ka importante nga bahin
sang Sakramento. Kasubong kay Kristo
sa suba sang Jordan, kag kasubong
man sa mga linibo-libo nga mga
Kristiyanos, halin sang una, hasta
karon, ang mga kabataan
pagabunyagan sa tubig. Sa sini nga
tion, si Kristo nagapanas sang sala nga
panublion kag nagahatag sa bata sang
Diosnon nga kabuhi; kon sayuron, ang
bata nagapakig-ambit sa Diosnon nga
PAROKYA NI SAN JUANAmoDE ang aton malipayon nga timaan
kinaugali kag mahimo nga anak sang NEPOMUCENO
Anini-y, Antique
Dios. Tungod sa ano nga sa ulo
ginabunyagan ang bata? Kay ang ulo,
amo ang sentro sang lawas, kag ang
tanan nga ginabatyag sa lawas makita
guid sa nawong/
e. Ang Paghaplas sang Krisma
Ang krisma amo ang lana nga may
balsamo. Ang paghaplas
nagakahulogan nga ang bata, pinili sang
Dios, balaan kag ginatawag siya sa
pagpakig-ambit sang hilikoton ni Krisyo
nga amo ang Pagkapari,
Pagkamanunudlo kag ang Pagkahari.
f. Ang pagsul-ob sang panapton
nga puti (panyal)
Ang panyal amo ang timaan sang bag-o
nga ugali kag bag-o nga kabuhi sang
bata. Tani, amligan sang mga ginikanan
ining katahum nga indi gid mamansahan
sang mga bisyo sa ila mga familia kag
mga katilingban.
g. Paghatag sang kandila
Ang kandila tanda sang kapawa kag
bag-o nga kabuhi nga gindala sang
nabanhaw nga Kristo. Ining kandila
ginsindihan sang amay sa Cirio
Paskwal, kay ang amay amo ang
sulundon sang bata nga magaiwag sang
iya anak sa pagtubo subong Kristianos
h. Ang Amay Namon
Subong isa ka familia kristianos, mga
anak kita tanan sang Dios. Gani,
magbuylog kita sa pagpangadi sang
Amay Namon, ang pangamuyo nga
gintudlo ni Jesukristo nga ipangamuyo
naton sa Amay.
i. Pagbendisyon
Ang bug-os nga katilingban
ginabendisyonan kay ginahimo naton
ang tanan sa ngalan kag sa bendisyon
kag gahum sang Santisima Trinidad.
j. Katapusan nga Kanta
sang aton pagpasalamat sa Dios tungod
sang bugay sang Pagtuo, kag tungod
sang bugay sang Sakramento sang sining Piesta sang bag-o nga kabuhi,
Bunyag kag tanda sang aton kalipay sa aton bibo nga pag-amba sa Ginuo.

PAROKYA NI SAN JUAN DE

NEPOMUCENO
Anini-y, Antique