MORFOLOGI

DEFINISYEN MORFOLOGI

Nitihka Kamarudin Hj Husin enggau bala raban iya dalam bup Pengajian Melayu Ilmu Bahasa
dan Kecekapan Berbahasa 1997 : 83 madahka morfologi tu siti ari disiplin penemu bejaku ti
mansik senentang ,struktur enggau kelas jaku. Tukuh tu bepelasarka tukuh munyi tauka pekara
ti bisi besangkut enggau iya.

Abdullah Hassan tu madahka definisyen morfologi dalam bup Linguistik Am,2007 : 117. Morfologi
tu siti bidang linguistik ti mansik senentang ari ni penatai leka jaku digaga. Pansik ti digaga iya
bekaul enggau pansik senentang ngaga tukuh leka jaku proses nempa leka jaku enggau tukuh
leka jaku proses nempa leka jaku enggau tukuh leka jaku ( morfem enggau leka jaku)

Nik Safiah Karim enggau bala raban iya ba buku Tatabahasa Dewan Edisi Baharu ,2004: 43 ti
madahka morfologi ti mansik struktur leka jaku ,tukuh leka jaku, struktur ti mai reti tusun tukuh
munyi tauka simbol ti nyadi jaku ti ngembuan reti.

Siti Hajar Hj Husin Abdul Aziz ba dalam bup Tatabahasa Melayu ( perkataan ),1996 : 17 udah
madahka teori morfologi siti ari penemu linguistik ti mansik tanya tu bekaul enggau ubah
jaku,kelas jaku ,reti jaku ti bisi ngembuan ubah tukuh leka jaku.

Raminah Hj Sabran dan Rahim Syam dalam bup Kajian Bahasa Untuk Pelatih Maktab Perguruan
,1985 : 152 ti madah ka bidang morfologi tu siti bidang ti mansik jaku lalu mansik senentang leka
jaku enggau chara tukuh. O’Grady & Guzman 2000 : 121 morfologi tu mansik senentang tukuh
leka jaku enggau struktur leka jaku.

Morfologi sesebengkah bansa jaku nya jalai nempa leka jaku. Bisi sekeda bansa jaku di dunya tu
sebaka jalai nempa leka jaku lalu bisi mega bebida. Bisi sekeda jaku ngena chara meri penambah
ngagai urat jaku lalu bisi mega ngena chara meri penambah ngagai urat jaku lalu bisi mega
ngena chara ngubah tukuh dalam leka jaku nya empu baka jaku Arab. Nyadi morfologi jaku Iban
nya bidang penemu ti betungkapka strukutur tukuh enggau raban jaku. Iya siti bidang ti kompleks
lalu tau dipeda nyadika jematan ti besabungka kaul sintaksis enggau fonologi jaku.

Morfologi dikumbai bekaul enggau pansik munyi sebut jaku laban iya ngemeranka pansik pasal
gaya leka jaku ti datai ari munyi jaku sebut. Iya bekaul enggau pansik pasal gaya leka jaku ti datai
ari munyi sebut. Iya bekaul enggau pansik sintaksis laban ari leka jaku iya tau didijir nyadi
frasa,klausa enggau ayat ti mai reti. Nya alai dalam tu kitai deka beratika pansik jalai jaku ti tau
dikena nempa leka jaku sereta bisi mai reti ti meruan sereta menyana.
Baka ti udah disebut pansik struktur jaku mungkur munyi sebut tauka lambang tulis ti nyadi unit
jaku ti bisi ngundan reti. Tukuh jaku nya gaya unit jalai jaku ,sekalika iya betukuh tunggal tauka
datai ari proses meri penambah ,beturuka leka jaku tauka proses jaku betandu. Beripihka jaku
ngagai raban jaku nya proses nijirka leka jaku ngagai raban ti bisi leman penyemaka lalu tau
dibagi nitihka fungsi dalam raban ti bisi leman penyemaka lalu tau dibagi nitihka fungsi dalam
raban leka jaku ti sama.

Unit jala jaku ti nyadi leman leka jaku disebut morfem. Morfem nya unit ti pengabis mit dalam jaku
ti befungsi gramatis dalam jalai jaku. Leka jaku nya tukuh jaku ti mit tang ngundan reti ti menyana
lalu ulih bediri Kediri.

(Chermaline enggau Padang 2011)