Pakli: Pagpakaylap sa Libro

Sinuwat ni Aries Roy S. Aungon

Ang libro, usa ka butang nga sagad nagsimbolo sa kaalam. Sukad pa man kaniadto hangtud

sa kasamtangan, kini ginagamit sa kadaghanan kung adunay buot makat-unan ug kung aduna usa’y

nahunahunaan nga ipadayag sa uban ug pwedeng matipigan sa kapanahunan. Ang pagpakli sa libro

nagtimaan nga ang nagbasa nagpadayun sa sunod nga panid arun masayran kung unsay giandam

sa manunuwat nganha sa unahan.

Sa pagmugna ug paglambo sa teknolohiya, namugna usab ang mga nagkalain-laing matang

sa libro ug mga pamaagi nga kini mas mapadaghan ug mas mapaambit sa uban, sama na lamang

sa mga gadgets, sa e-book, sa internet, ug sa uban pang mga kahimanan.

Apan bisan pa man niini, aduna pa gihapon kitay mga kabataan ug mga hamtong nga mga

kaigsuonan nga nanginhanglan pa gayud ug tukma ug dugang pang kaalam. Isip mga piniyalan sa

Kahitas-an, angay lamang nga ato silang tabangan ug kitang tanan magkahiusa sa pagpakaylap

arun sila magiyahan, ug sa pagpakli sa libro sa kaalam.