1. ILOILO ANG BANWA KO
ANG GUGMA SANG MGA
Iloilo ang banwa ko
guinahingadlan
matam-is nga pulong ang amon
guinmat-an
indi ko ikaw bulagan
banwa kong nahamut-an
ikaw ang guintunaan sang
kalipayan
Ilonggo ako nga tunay
nga nagapuyo sa higad sang
baybay
manami magkiay-kiay
sa tagipusuon
bug-os ang kalipay.
2. Dandansoy
Dandansoy, bayaan ko ikaw
Pauli ako sa payaw
Ugaling kung ikaw hidlawon
ang payaw imo lang lantawon.
Dandansoy, kung imo apason
Bisan tubig di magbalon
Ugaling kung ikaw uhawon
Sa dalan magbubon-bubon
3.
TIGULANG
Ang gugma sang mga tigulang,
Daw sa igi nga nagakamang,
Nga bisan anhun sang tikwang,
Makapyut gid sa kabataan.(2x)
Ang gugma sang pamatan-un,
Daw sa bayu nga ginlugom,
Nga bisan anhun sang halong,
Malubad kay malubaron.
Ay inday sa pagkabati ko,
Ginpangaluyagan ka sang balo,
Ang linugaw sa baba mo,
Nahimu gid nga kalo-kalo.
4. Ohoy, Alibangbang
Ohoy, Alibangbang kun ikaw ang
maglupad,
Tatapon mo sing maayo and
tanan, tanan nga bulak;
Basi kun sa ulihi, kun ikaw ang
malipat,
Pobre sii tapulanga sa duta, ahay,
mataktak....
5.Lumalabay nga daw Aso

Lumalabay nga daw aso

Aso pa lamang
Ang tanan-tanan nga butang
sa kalibutan

Ang mga matam-is, ahay!

Nagapait man, ahay!
Sa Gihapon, ahay!
Umagi lamang.

San-o pa?, san-o pa?

San-o pa nga adlaw?
Magbalik ang gugma
Sa dughan gintigay.

Ang mga matam-is, ahay!

Nagapait man, ahay!
Sa Gihapon, ahay!
Umagi lamang.