1

ÑUQA HUCHASAPAM PURIRQANI

Ñuqa huchasapam purirqani,

Diosnillayta Mana riqsikuspay;
Maypim sarusqaypim mitkarqani,
Salvakuqta mana chaskillaspay.

Taytalláy ¿imataq kay rupayri?

Diosnillay ¿imataq kay nanayri?
Rapuchkaspa mana tukuy atiq,
Nanachkaspa mana haykap taniq.

Simillanta uyarichkaspaymi
Mana kasuytachu munarqani; Salvakuqta
rikuykuchkaspaymi Ñawillayta
chimqiykullarqani.

"Sunquykita kichariykullaway
Yaykumuptiy awsakunanchikpaq";
Niwachkaptin mana kasukuspay
Ayqirqani kaypi muchunaypaq.
 120
DIOS TAYTALLAYMI KUYAWAN

Dios taytallaymi kuyawan,

Payllapunimya uywawan,
Unqullaptiymi hampiwan,
Urmanaymantam hapiwan.

Taytallmanmi ripullasaq,
Kuyaqllaymanmi hichpaykusaq
Kanchaq wasimpiq yachakusaq;
Wiña wiñayñam tapikusaq.

Kay pachapiqa waqayllam,

Kay mundopiqa llakiyllam,
Millay huchallam muyuwan,
Ñakariykunam hamuwan.

Runamasiymi kamiwan,
Familiaykunam wischuwan;
Amigoykunam ayqiwan,
Kuyaqniykunam chiqniwan.

Ñawillaykunam tutayan,
Kay cuerpollaymi sampayan,
Señornillaymi nillawan;
Kuskam ripusun ñoqawan.
 26
ÑOQA WKCHAM PURICHKANI
Ñuqa wakcham purichkani
Huchallapi kawsastin;
Salvaqllaytam maskachkani
Kay pachapi muspastin;
¿Imakunamanraq chayallasaq
Salvo kayta munaspay?
Ñawillaypas tutayaykuchkanñam
Tuta punchaw waqaptiy.

Sapa ratum rinrillaypi

Diospa simin niwachkan:
"Huchasapa runam kanqa
Imbirnuman wischusqa".
¿Maypiñataq ñuqa tarillasaq
Hawkayayta almaypaq?
Diospa simillanmi niykullawan:
"Jesusllapim tarinki".

Jesus chakillaykimanmi
Huchallaywan hamuni;
Qamllamanmi iñimuyki,
Lliw sunquytam qumuyki;
Kuyakuqnilláy Qam chaskiykuway
Kuyay marqayllaykipi;
Yawarllaykiwanña mayllaykuway
Qanwan salvo kanaypaq.
 141
QELLQAPIM NIWANCHIK

//Qellqapim niwanchik
Kanqam terremoto,
Yarqaypas muchuypas
Enteron mundopi.//

//Cristo kutimullaptinqa//
Manañan kanqachu
//Waqaypas llakiypas,
Pay sapallantañan alaballasunchik.//

//Intipas killapas
Lliwmi tutayaqa,
Chaskakuñataq
Wichiykamullanqa.//

//Hinaptinmi Cristo
Rikuriykamunqa,
Puyu ukumanta
Inti hina kanchaq.//