PLANO INSTALACIÓN FRECUENCIAS - MUSEO DE ARTE CONTEMPORÁNEA GAS NATURAL FENOSA

MUSEO DE ARTE CONTEMPORÁNEA

banco
GAS NATURAL FENOSA
Decembro 2010
LABIRINTO
Xuño 2011

CD-ROM
Obras
Eugènia Balcells

mesa

banco

banco

RODA DE COR

ACTIVI DADES E DOCUME NTACIÓN

FRECUENCIAS

MÁRMORE

BAR RAS SON

FRECUENCIAS
banco

banco

banco
O ARROZ PLÁNTASE
CON ARROZ

banco
documental

FRECUENCIAS
EUGÈNIA BALCELLS
EUGÈNIA BALCELLS

TÁBOA PERIÓDICA

Entrada

Avda. de Arteixo, 171. 15007 A Coruña (España). T +34 981 911 476.
www.macuf.com
Horario: de 11:00h a 14:00h e de 17:00h a 21:30h.
Domingos e festivos de 11:00 a 14:00h.
Luns pechado.
“Atráenme as pontes, as unións entre as cousas… por iso explorei tantas cousas
diferentes; identifícome máis co salto de aquí a alá que co puro estar aquí e alá…
a realidade é o fluír dun todo que está absolutamente interconectado. A tecnoloxía
non é máis que unha posibilidade de abrir novas fiestras; cada vez que o espectro
tecnolóxico se ampliou, tamén o noso sentido da realidade e o xeito de vela.”
(entrevista con Alfonso López Rojo, Revista Lápiz, 1993)
“Eu coido que a vida é movemento e é a viaxe… unha viaxe que vai a todas partes
e que non vai a ningunha e no que se percorre e se explora, é unha viaxe múltiple,
de exploración cara a fóra, de exploración cara a dentro, de encontros, de
interrelacións e tamén de esquecementos…” (entrevista con Rosa Olivares, Revista
Lápiz, 1995)
LABIRINTO
“Se a arte non te nutre, non serve para nada. Desta nutrición pode saír a nosa
felicidade, a nosa beleza, a nosa forza.”(entrevista con Mercè Beltran,
La Vanguardia, 1 agosto 2000)
“Traballar co enorme, aprendendo a estar queda no centro: esta é a mellor parte
da tecnoloxía… É moi importante saber que é a luz porque ten que ver coa
realidade: toda a realidade podería verse como un holograma.”(conversas no
estudo, 2009)
Logo dunha longa traxectoria artística utilizando a luz como instrumento, Eugènia
Balcells propúxose render homenaxe aos elementos constitutivos da materia e á
complexidade e a beleza do tecido que son capaces de articular mesturando os
seus espectros de cor.
Sabedoría antiga e tecnoloxía contemporánea atopáronse nas pantallas xiratorias
que a artista creou como superficies de proxección. Sobre elas foi tecendo lenta-
mente historias de historias e películas de películas que permiten percibir a luz como
a voz da materia e percorrer con ela o mundo de imaxes no que estamos inmersos.
A historia das artes, das ciencias e da filosofía foron confluíndo neste proxecto que
ten como prólogo a instalación FRECUENCIAS, que dá nome ao conxunto da
exposición, como centro a instalación RODA DE COR, e como primeiros escintileos
circundantes as instalacións LABIRINTO e MÁRMORE.
RODA DE COR
A configuración actual inclúe tamén a película documental ata hoxe inédita
O ARROZ PLÁNTASE CON ARROZ, que recolle a resposta de diversos centros
educativos á exposición con motivo da súa presentación en Barcelona (Arts Santa
Mònica, outono de 2009).
A complexidade do proxecto, que hoxe queda oculta na aparente simplicidade da
súa forma final, recóllese no catálogo de FRECUENCIAS en dous rexistros distintos.
Dunha parte, na selección de imaxes e os artigos específicos relativos a cada unha
das instalacións; doutra, nunha selección de reflexións, dúbidas, achados e
dificultades que, ao longo do proceso de creación, a propia artista recoñecía en
conversas con amigos e colaboradores.
www.eugeniabalcells.com
http://frecuenciasenmacuf.blogspot.com/
MÁRMORE
A causa do nacemento de todo é o remuíño dos átomos. Demócrito
Partículas imperceptibles para a capacidade visual humana, os átomos son xa
complexas estruturas emisoras e receptoras de luz, capaces de mesturarse entre
elas ata conformar o mundo perceptible. Cada rocha, cada planta, cada animal e
cada persoa esconden unha combinación infinita de feixes de luz.
A instalación FRECUENCIAS celebra esta fonte enerxética inicial da que provén
todo e rende homenaxe ao misterio oculto na materia que a sensibilidade artística
e a curiosidade científica esfórzanse por desvelar.
... o Sol é só unha campá cuxos sons emiten luz. Isaac Newton
A luz vivifica a materia e desencadea os procesos de percepción de que son
capaces os seres vivos. A luz permite a existencia das imaxes e ao mesmo tempo
dá lugar á metáfora que mellor describe o proceso de coñecemento.
RODA DE COR é un sofisticado dispositivo receptor das máis diversas mutacións
que comporta a viaxe da luz. Conforma un libro de pantallas brancas suspendido
no espazo, sobre as que se reflicten fugazmente os rastros de luz atrapados nas
imaxes fílmicas: así se escribe a memoria do universo.
RODA DE COR persegue esta fonte primixenia de recordos e fai visible o cambio
constante da realidade sobre a retina permanentemente curiosa. Un só punto de
ancoraxe para que todo flúa.
Non hai lugares fixos no espazo. Albert Einstein
Entre a escuridade absoluta e o sol radiante, as cores van definindo as formas e os
múltiples perfís da realidade. As sombras son testemuña fiel do movemento
constante: son o rexistro do tempo.
LABIRINTO fala dun punto na xeografía de Barcelona: aquel no que se confunden
o diante e o detrás, o norte e o sur, o ir e o volver. LABIRINTO é un lugar de
lugares no que a realidade, como o coñecemento, atopa buracos cegos e
avenidas de claridade.
Vin o anxo no mármore e esculpín ata liberalo. Miguelanxo
Escavar unha montaña de pedra oculta no seo da terra ata transformala en
canteira ao descuberto e extraer do fondo da ferida bloques pétreos que reflicten
o amasillo de cores ao que chamamos branco. Un asuco na comarca portuguesa
do Alentejo.
MÁRMORE fala do cúmulo e do pozo, dun lugar no que se atopan a dureza do
material e a subtilidade do simbólico, do punto no que se cruzan a vida e a morte,
de como a memoria constitúe a materia prima de todo acto humano.
Frecuencias de son acompañan ás frecuencias de luz. A enerxía que move o
universo é desbordante. Como as imaxes que se escapan das pantallas, como o
son que se prolonga na vibración.
FRECUENCIAS de Eugènia Balcells é unha invitación a recoñecer o todo nas
partes. É un concerto de badaladas de luz ao que responderon xa un bo número
de visitantes. A súa voz recóllese na película O ARROZ PLÁNTASE CON ARROZ,
que se incorpora ao proxecto para itinerar con el.
Eulàlia Bosch
Curadora do Proxecto