Izem yuγalen d aγyul

Sγur : D.Messaoudi
( blog : http://thaqarvuzth.unblog.fr )

Izem d agellid n yimudren,

Netta d win yeqwan, d win muhaben.
Aγyul d ungif gar yebhimen,
Fell-as εebban, yes-s kerzen.
Izem d ilelli deg udrar.
Aγyul d akli deg uzaγar.
Izem iγaḍ-it meskin uγyul,
Deg-s yezga yettweṣṣi seg wul:
Zeεbeḍ ! Neggez ! Ṣukk !
M’ulac ur ssaram ddel fell-ak ifuk.
Aγyul yebra i yimejjugen-is yeqqim,
Deg-s bab-is la ineğğeε, la yettdeqqim.
Ugar n 40 iseggasen ed yizem yetteg ineẓman
Γef uγyul yeddren s tsusmi deg yir ussan.
Izem d bu yiseγ ur iqebblen ddel,
Maca ul-is yettilqiq ma γer umedlul yemmuqel.
Akken ad iwanes aγyul umi meččen yizerfan,
Yedda γer win yeskaren iḥeddfan.
Deg teglimt n uγyul, izem yekcem s addaynin.
Aγyul yefreḥ: taεkemt ad tt-ddmen deg sin.

***
Amawal
imudren = animaux; ilelli = libre; ineẓman = soucis ; amedlul = soumis ; addaynin = étable ; iseγ = dignité