LAWMTHU : In hun hlu tak senga zanin programme-a lo tel zawng zawng te lawmthu kan inhrilh a.

Mission Veng Hmathlir Programme kan hman tak zawng zawng - Thusawi leh hlasakte te dah a ni. Hei hi lawmthu kan sawina a ni e. Kristian Thalai Pawl, Mission Veng Branch.
Ephesi 2:10 Thil tha ti atan Krista Isuaah chuan siama awmin ama kut chhuak kan ni si a; chu thil tha tih chu kan awmna turin Pathianin a buatsaih lawk a ni.

MISSION VENG HMATHLIR

A hmun : Kohhran Hall A hun : Dar 7:00 pm 5 minutes 5 minutes 10 minutes 5 minutes Welcome : Leader, KTP Mission Veng Branch Hunserh : Upa C. Chawngdinga HMAN LAI MISSION VENG - Sub-Committee Zai : Tho ru puanven sawi chhin a hun (Nancy Zothanmawii, Lalroluahi, Solomon Rothangpuia, Lalrinzuala) KRISTIANNA LEH MISSION VENG KHAWTLANG - Upa Zonunmawia Zai : Khuavel i la chhing ngei ang (Tho la, ding ta che, i hliam a dam e) (Malsawmzuala, Solomon Lalruatsanga, LZ Tochhawng, Lalthuhrilliana, Lallawmzuala, KennyLallawmawma, Lalchungnunga, Lalchhandami, Lalsiampuii, Elizabeth C. Lalrinfeli, Rosangpuii, Lalnuntluangi, Lalhmunzuali) MISSION VENG HMATHLIR - Sub-Committee Zai : Zoram (Mission Veng) Lungphang suh (Lalruatfeli@mapuii, Lallianmawia, Sena) Zaiho : Aw Nang, kan Lal kan Pathian, KHB 585 LAL TAWNGTAINA

JUNE 17, 2011(ZIRTAWPNI)

5 minutes

10 minutes 5 minutes 3 minutes 2 minutes

NOTE :

1. Hemi zana tel tura sawmte : Mission Veng-a YMA Branch 2 hruaitute, KTP, Branch Committee leh KTP member a chhim duh apiang, Veng chhunga Val Upa, Prominent citizen, khawtlang leh Kohhrana a kul a taia lo tang thinte. 2. Ei leh in tuihnai tak siam a ni a. i/c Ei & in Sub-Committee, dress uluk takin. 3. Hemi zana thusawi leh hlate hi booklet-a sem a ni a. i/c MSV Hmathlir Sub Committee 4. Uluk taka ushering & reception tih tur a ni i/c Pu Henry C. Lalrawnkima & Nl. Lalremsiami. 5. A tul anga announcement ti turin Nl. Lallawmzuali. 6. Kohhran Choka lama thingpui inho pahin interview a awm ang i/c Pu Samuel Lalmalsawma & Nl. Lalrinmawii Tochhawng. 7. Branch Committee-te hma takah, tan hma dar kar chanvve aia hmain thleng vek ila, smart taka inchei ni se, kan nu & pa rual u lokal te lo chiau au thei turin. 8. Thlalak (Video & still) leh Voice Recording uluk taka tih ni se.Video Coverage & Still Photo ic Documentation & Publication s/c. Voice Recording i/c Music & Sound s/c.

REHEARSAL June 15, 2011 (Nilaini) Zan Inkhawm Banah : 1. Chanvo neitute kal ngei ngei ngei tur a ni. Zan dar 8:30 pmah kim ngei tur a ni. 2. Rehearsal-ah hian a tak tak tur angin engkim tihchhin vek tur a ni. 3. Branch Committee member kim taka kal tur a ni a, hemi zana programme duhthusam lo laite siam that a nih theihna tur a tan uluk taka lo chik tura ni. Feedback kan pe nghal theuh dawn nia. 4. Rehearsal uluk taka neih ni se, thingpui leh a hmeh Ei & In Sub-Committee-in an buaipui ang. (1)

HMANLAI MISSION VENG

Zanina Mission Veng Hmathlir hun kan hmang chho thei ta hi a lawmawm hle mai. Mission Veng Hmathlir kan hman tan dawna a sawihawn nan kan sawi duh chu Mission Veng lo indin dan leh hmanlai Mission Veng tih emaw hun hmasa lama Mission Veng tih a ni. Mission Veng Chanchin hi lehkhabu tha tak tak Kohhran, VC leh YMA lamin a tihchhuah atangin thui tak leh ngaihnawm tak a hriat theih a. Mission Veng Kohhranin Kohhran Lungphum leh Mission Veng Kohhran Chanchin a tihchhuahte, VC-in Pu Lalduhzuala ziak Mission Veng Chanchin a tihchhuah te, Mission Veng YMA North Branch-in Mission Veng YMA 70 Years a tihchhuah te atangin kan VENG Chanchin hi thui tak a hriat theih a ni. Mission Veng hming put a nih hma hian Pathian thuawih Veng, Zosap Veng ti tea sawi a ni thin a, hemi hma lam hian tuna Mission Veng Area-a hming hmasa ber awma hriat theih chinah chuan Hriangmual tih a ni thin. Hriat theih chinah chuan Thahdo lal Henrova hi Mission Veng lo luah hmasa bertu ni chuan a lang. Kum 1804 atanga 1810 inkar vel khan a lo awm tawh thin a ni. Hemi hnu hian Pu Nganan a lo luah tawh a ani hi Dokhama pa, Subedar Pakunga Pu a ni. Chumi hnuah hriat mai theihah chuan Lalchhinga, Gorkhali, a hming tak chu Lal Singh Sunuar-a leh a hote an lo awm tawh thin. Kum 1897 August ni 31-a Zosap Missionary Pu Zosaphluia (Rev. DE Jones) Mizoram a lo chuan chhuah khan Thingpui Huan Tlang McDonald Hill atangin tuna Banglapui awmnaah hian rawn insuan pheiin heta tang hian Zosap Veng tih a lo ni tan ta a. Hemi hnu hian Mission Veng tia hmun danga mi ten an sawina Mission Veng tih chu kan pu chho ta niin a lang. Banglapui bawr bak hi Pu Zosaphluia hian lei belhin tuna Mission Vneg kan hriat tak hi a lo piang ta a ni. Pu Zosaphluia hian Welsh tawngin A Missionary Autobiography tia lehkhabu a ziah Pu Lloyd-an Sap tawnga a lehlinah chuan tihian a ziak a, Sawrkarin chhim lam hmun

pakhat Lunglei kawngpui kamah min insawntir a. Lunglei chu chhim lama sawrkar hmun pawimawh ber pakhat a ni ve a, chutia kan insawnna chu Di in sawrkarin a lo sak sa ah a ni a. Welsh Mission chuan MacDonald Hill-a Pu Savidge leh Lorrain ten in an lo sak tak kha a man pawh a rul ve nghe nghe a. Kan insawnna hi lungthu ang deuh va tlang awm a ni a, mual lungthu an ti mai thin a. Kan awmna bulte maiah chuan khua a awm a, chu chu sawrkarah chhiah chawiin kan nei a, ram la awm ang ang chu Rs.100/- in ka lei belh bawk a. Tlang dung mel 2 dawn laia sei a ni a, chu laiah chuan Mizo khaw tin entawn tur khaw thar, Mission Veng kan din a.

Tun dinhmun Mission Veng dintu hi Rev. Zosaphluia (Rev. DE Jones) a ni kan ti lo thei lo vang. Pu Zosaphluia hian Mizo khawtin entawn tura a din a ni a, hei hi a pu zo em em reng a. Kohhran leh khawtlang nun intehna awm thei deuh ber chu Kohhran hmeichhiaten Kristian chhungkaw tehna an neih thin hi a ni awm e. Hemi chungchangah thingtlang nu pakhat chuan heti hian a sawi, Keini khua te, midang Veng leh khua te hi chu intehna reng rengah hian hniam mah ila, kawng engkima kan hmunpui Mission Veng in that pawt hi chuan kan thla a muangin a nuam kan ti thin, a lo ti a. Hei hian Mission Veng din chhan, siam a nih chhan a pu zo hle tih a lang a. Tuna kan dinhmun chu mahnin lo inzawt theuh ila. Tunah hian eng dinhmunah nge kan awm a, tuna mite hian thangthar lo awm tur, kan tu leh fate tan Mission Veng hi eng dinhmunah nge kan siam dawn tih chu tuna zanina helai awmte kutah hian a innghat thui hle awm e. Chuvang chuan zaninah pawh hian Mission Veng hmathlir programme pawh kan hmang ta a nih hi. Hmathlir nei tura kan sawi hmasak duh chu Mission Veng hian khawi area nge a huam tih hriat hi a pawimawh hmasa chu a ni. Mission Veng hian khawi chin nge a huam tih chu Mizoram
(2)

Gazette Vol. XXIII Issue No 59, kum 1994 April 29 Zirtawpnia tihchhuah chuan Mission Veng Village Boundary a tichhuak a chu chuan tuna Mission Veng Kohhran huam chin area bak pawh hi zau tak a huam a. YMA lamah pawh Mission Veng YMA South leh North Branch area bak pawh zau ang reng tak a huap a ni. Zanina kan sawi tum ber erawh engtia zau nge tih lam a ni ber lo. Kan duh ber chu tun dinhmuna MISSION VENG tan hian hmathlir engtiangin nge kan neih ang tih a ni. Chanchin Tha-in a zawnchhuah Ram, Zosap Misionary-in a din Veng kan ni. Chanchin Tha avanga Veng din awmchhun kan ni ang em aw a tih theih. Veng dang, khaw dang zawng zawng entawn tur a tana Model Village Mission Veng Pu Zosaphluian a din khan Mission venga awm turte tan dan 6 a siam a, chungte chu 1) In reng reng feet sawm tala inhlata sak tur a ni. (Hei hi kangmei laka himna atan tula hriat a ni a. An inte a inbit em avangin kangmei a chhuah tawh phawt chuan a khuain an kangfai leuh zel mai thin a ni a) 2) ran vulh te chu in hrang sak sak a, chutah chuan dah tur a ni. (Mizote hian hetiang hi an nei ngai lo. Bawng leh vawkte chu inhnuaiah zanah an riak a, ar chu in chhung/ sumhmunah an dah mai thin a ni) 3) Liang/khanchhuk chu chhuat atanga feet 6 tala sang a ni tur a ni. 4) Chhung tinin ek in hran neih tur. 5) Tui in tur chhuanso sa vek tur. 6) Mi tin taima taka inkhawm ziah tur. Zaninah hian Thalaite chuan Thoru puanven SAWIchhin a hun tiin... hmalam thlirin mimal, chhungkaw ngaih dante dah thain Chanchin Tha-a din Mission Veng tan eng nge ka tih theih tiin HMALAM I THLIR ANG U. Zaninah hun tha tak, hun lawmawm min petu Pathian chu fakin awm rawh se.

THO RU PUANVEN SAWI CHHIN A HUN

Hun lawmawm min pekte hi i tan kan rawn hlan e, Kan theihna thiamna finna zawng i tan ka hlan e Diknaa roreltu huaisena thuam Kristian Thalai kan ni Tho ru, puanven sawichhin a hun Zam suh, Hnai lo Jacoba Pathian ka kulh bing sang a ni.

Sam 46 - Nancy Zothanmawii, Lalroluahi, Solomon Rothangpuia, Lalrinzuala

Thatlai hun a rei dawn lo, Lalpa tan inpe rawh; I rah chin i ram a ni, Zam lovin kal rawh; Lalpa, ka Lalpa, Kan tawngtaina ngaithla la; Kan tihsual te ngaidamin. Chakna min pe la. (Ual Kap 2010 Theme Song : Phuahtu : Solomon Rothangpuia)
(3)

KRISTIANNA LEH MISSION VENG KHAWTLANG

- Upa Zonunmawia

Mizo te hian khawtlang nun inzirtirna tha tak kan nei sa a. Kristianna-in kan neihsa aia tha zawk min pe a ni. Kan Zosap ten Thlarau leh taksa thatna tur, khawtlang nun siamthatna tur leh inrelbawlna fel tak a awm theih nan Kohhran hi min lo dinsak a ni. Welsh Calvinistic Methodist Mission-in Kohhran leh khua/veng min rawn dinsak avangin Mission Veng tih hming hi kan lo pu ta a ni ber a, Veng bakah Khua anga sawi theih a ni bawk. Pu Zosaphluia (Rev. D.E. Jones) kha Thingpuihuan tlang (Macdonald Hill) atanga helama a rawn insawn phei kum (1898) kha Mission Veng indin tanna anga ngaih theih a ni a, Mission Veng Kohhran pawhin hemi kum hi Kohhran din tanna angah a pawm nghet ta hmiah bawk. Zokhaw dang ang lo takin Mission Veng chuan awptu lal leh khawnbawl a nei hran ngai lo va, Zosapte khan veng chhung inawpna leh inrelbawlna fel fai tak an siamsak a, veng dang/khaw dang entawn tur Model Village min dinsak a. Kohhran enkawl bakah khawtlang inrelbawlna zawng zawng kha Kohhranin a kengkawh vek a. Mission Veng Dan te siamin a kengkawhtu tur Veng Upate ruat an ni bawk. Kum 1935-ah Zosapte vekin khawtlang lam inrelbawlna tur bik pawl tha tak Young Lushai Association (YLA) min dinsak a, hei hi tuna kan YMA (Young Mizo Association since 7th October,1947) tobul a lo ni ta nghe nghe a. Chuta hruaitute chu:President Vice President Secretary Asst. Secretary Treasurer : : : : : Rev. Lewis Evans (Pu Niara) Miss Katie Hughes (Pi Zaii) Pu Ch. Pasena (Upa Chawngnghilhlova) Pu Vankhuma (Pi Lalhliapi te pa) Rev. David Edwards (Zorema pa) te an ni.

Mizoram pum leh ram pawna Zohnahthlakte huap pawl hlun ber, Kohhran pawl leh rin dan hrangte thliar miah lo, Mizo zawng zawng huap pawl lo indin tanna hi phat ruat lohvin Mission Veng hi a ni a, hruaitu hmasa berte pawh Zosapte leh Mission Veng mi leh sate vek an ni. Pu Vankhuma phei hi chu a din tan tirh (1935) atangin kum 1944 thleng hruaitu a ni reng a, kum 1950, 1951 & 1952 ah President a ni leh bawk. Kan Kohhran hruaitu hmasate Rev. Chhuahkhama, Rev. Thanga, Rev. Zairema, Upa D. Thianga, Upa Seletthanga, Upa Vanchuanga, Tirhkoh Muka, Upa Chawngzika, Upa Chalhnuna leh Upa Lalrongenga teho kha Central YMA hruaitu vek an ni a. Khawtlang lama kan mi chhuanvawr Pu Lalbuaia, Pu Thanhlira, Pu Bawlliana teho pawh hun hmasa lam, rambuai hmaa kan hruaitu lo ni tawhte an ni bawk. YMA hian a tir atangin pawl thil bitum (Aims & Objectives) pathum a nei a, chungte chu: 1. Hun awl hman that 2. Mizoram hmasawnna ngaihtuah 3. Kristian nun dan tha ngaihsan A dintute zinga mi Tirhkoh Muka chuan, YMA thil tum 3-te hi YMA Lungphum, a ti a Heng lungphum 3-te zingah hian a pathumna hi a ropui ber niin ka hria, a ti. Central YMA Official website-a YMA Profile: Motto of YMA tihah hian No. 3 hi No. 2-ah dah a ni (http://centralyma.org.in/ymachanchin.php?page_id=1) Heng lungphum/thiltum 3 hmang hian YMA chuan Mission Veng chhung leh ram pum huap khawtlang rawngbawlna nasa takin a thawk a, a ram a zauh zel bawk a. A din tanna veng berah hian kum 1950 hnu lamah a thawm a dai ta deuh a, rambuai intham vang te pawh kha a ni mai thei e. Mizoram buaiin min nang ta a, pawl khaikhawmtu ber Central YMA pawhin hun eng emaw chhung chu mumal taka inkaihhruaina a kalpui thei lo. YMA Hall te pawh kan hmang tangkai tawk ta lo a ni
(4)

ang, kum 1955 October 16-ah Welsh Mission chuan YMA Hall leh compound chu Mission Veng Kohhran kutah a hlan ta a. Chutih laia YMA Hall hmun chu tuna Mission Veng Kohhran Centenary Building sak takna hmun hi a ni. Hetih lai hian Mission Veng chhunga area hrang hrangah mahni remchan ang angin khawtlang pawl dang din a lo ni ta a. Tuna Mission Veng YMA South Branch huam chhungah hian kum 1966ah Dawrkai Veng Youth Organisation (DYO) din a ni a, tuna Mission Veng YMA North Branch huam chhungah (Republic Road leh New Street tel lovin) kum 1967-ah Venglai Thalai Pawl din a ni a, 1969-ah Venglai Welfare Organisation (VWO) tia hming thlak a ni a, kum 1981-ah Mission Veng Welfare Organistion (MWO) tia thlak leh a ni. Kum 1974-ah Republic Road leh New Street pangper huam chhunga mi thahnemngai ten New Street Welfare Committee an din leh bawk. (Pu Lalduhzuala lehkhabu Mission Veng History-ah 1977 tia tarlan a ni a, MYMAN lehkhabu Mission Veng 70 Years tihah 1974 tia ziak a ni a, 1974 hi dik zawkin a lang, a chhan chu a dintute zinga puipa Pu Thantluanga h/o Pi Thangreii kha 1975-ah a thi).* New Street Welfare Committee hi kum 1987-ah Mission Veng YMA North Branch-ah an inchhung lut. Model Vengah khuan 1978-ah YMA din a ni a, kum 1970-ah Tuikhuahtlangah Tuikhuahtlang Thalai Pawl din a ni a, 1981-ah YMA-ah an inlet a ni. Khawtlang inrelbawlna fel tak awmsa a nih avang leh hruaitu fel tak takin an kaihhruai thin avangin YMA Branch hranga han awm thliah pawhin buaina hranpa a awm lo va. Model leh Tuikhuahtlang Branch-te nen pawh Joint YMA-ah inthlung khawmin khawtlang thatna tur a tul apiang relho zel thin a ni. Tin, khawtlang inrelbawlna dang Village Council (AMC awm hnuah Local Council) pakhat hnuaiah kan la awm bawk a. VC-ah te hian heng YMA Branch hrang hrang huam chhung atang hian hruaitu leh member an inawmpawlh a, tha takin an thawk ho thei zel bawk a. Mission Veng Field cheibawl thar lehna hmalak lai phei kha chuan VC leh Joint YMA hi Committee pakhat ang maiin kan thukhawm tlut tlut thin a ni ber Tuna Mission Veng hming pu YMA pawl 2 bikah hian han lut bing ta ila. Kum 1985 June 6ah Mission Veng Welfare Organisation (MWO) chu YMA-ah an inlet a, Mission Veng YMA tih an ni a, hemi kum vek June 27-ah Dawrkai Veng Youth Organisation (DYO) chu YMA-ah inlet ve lehin YMA, Mission Veng hming an pu ta thung a ni. Khatih hun laia hruaitu pakhat chuan, Mission Veng hming pu YMA Branch 2 kan awm a, Central YMA lam han dawr changte hian Pu J. Lianchungnunga YMA nge Pu J. Lalsangzuala YMA zawk? tiin min lo zawt fiam thin a, a nuam lo duh angreng khawp mai, tiin a sawi. Central lam lu pawh kan tihai deuh a ni ang, Mission Veng I leh Mission Veng II-ahte min han then leh ren rawn a. Nimahsela, a tua mah mahin II nih zawk kha an duh loh avangin YMA North Branch leh South Branch ang hian min then ta a ni. Mizo Hmeichhe Insuihkhawm Pawl (MHIP) leh Mizo Upa Pawl (MUP) te hi Branch/Unit khatah inlungrual takin an la kal thung a. YMA lamah hian Branch pahnihte kal dan phung danglam ta hret hret hian chhiat ni/ that ni-ah leh kawng hrang hrangah veng chhung mipuite leh veng pawn lam mite pawh a tibangbo ta lek lek a. YMA din chhuahna veng ber hi kan nawi ta riauva lanna te a awm thin. Kohhran leh khawtlang thilah Mission Veng-ah eng tin nge an tih? tih hi veng dang zawhna leh entawn a ni fo thin a. Tunah tak hi chuan khawtlang thil bikah Mission Veng chuan chutiang khatiang chuan an ti, tih sawi fuh a harsa tawh khawp ang. A bik takin, chhiat ni chungchangah te hian Mission Veng tih dan kalphung fel tak sawi theih a harsa ta a ni. North Branch leh South Branch member-ten khawtlang kan la intawm vek a, chhiat ni/ that ni kawng engkimah kan la intawiawm tha hle a. Veng pakhat nihna a la bo chuang lo va, khawtlang inrelbawlnaah erawh a area azirin kalphung a dang ta hret hret si YMA Branch rilru ai hian Veng rilru hi pulian ta zawk theuh ila. YMA ziding zawk, veng neitu leh a hming putu zawk nih inchuh rukna rilru te hi dahbo thei ila, tun ai hian kan tanrualna hi a
(5)

tha zawk ang a, kan chak zawk bawk ang. YMA Section-in Branch rilru aia Section rilru a putlen zawk miau chuan harsatna neuh neuh a awm duh ang deuh hian YMA Branch rilru kan dahlen lutuk chuan veng rilru a te sawt ang a, inpumkhatna a bo tial tial ang a, veng dang tan pawh kan zuamawm sawt ang. Branch pahnih lo awm tawhsa, rem leh rem lova suihfin talh tum pawh hi a sawt rih lem lo mai thei. Inrelbawlna chungchangah te a fel zawkin a hahdamthlak zawkna laite pawh a awm ang. Chuti chung erawh chuan, a veng chhung miten rilru inpumkhatna leh thinlung hmun khat kan put reng erawh a pawimawh. Tuna kan thalaite rilru hi a tha lam zawnga kan herremsak a pawimawh a. Kohhran lamah chuan an inpumkhatna leh tanrualna a tha viau reng a, khawtlang nun lamah hian eng rilru nge an put mek le? YMA Branch a hran tak avanga veng dang mi ang hiala inhmuhna te hi kan hlat tawh lo mai thei. Kohhran huang pawn lamah, infiamna leh thil dang dangah kan tanrualtir a pawimawh khawp bawk mai. Mission Veng thalai an nihna anga an inphochhuahna tur kan dappui a, chuta tanga inkawmngeihna leh tanrualna kan tuhsak pawh a pawimawh khawp mai. YMA hi Kristianna-in a hrin, Kohhran chawm len, KTP nen unau, fa upa zawk, indang tawh, chhungkaw thar tam tak din tawh a nihna hi kan theihnghilh a hlauhawm. KTP tih YMA tum vak te, YMA tih KTP tum vakte hi a tul lem lo. Thil tha tih tur, inang si lo ti tura din ve ve an ni. A member kan nih tawn avang erawh chuan kan awmna hmun leh hun zelah, kan tih tur dik tak kan hlenchhuak mai zawk tur a ni. YMA leh KTP te hi an thil tum (aims & objectives)-a an chian a, a dintu leh chawm liantu Kohhran hi an zah thiam a, Kristian Nun Dan tha chawisang zawnga an kal zel chuan an kalsual ngai lo vang. Hun kal tawhah rilru na leh hliam te pawh kan lo insiam tawh a ni thei e. Tunah hian a dam a hun tawh a, hun tha kan neih lai hian insiamthat ngai laite kan insiamthat a, hma lam kan pan a hun ta takzet. Tun atanga kum 10 emaw 20 emaw a liam leh hnuah, Mission Veng nu leh pa leh thalai ten eng rilru nge an put? Eng ang khawtlang nge an siam? tih chhanna chu tuna kan awm mek dan leh kan awm zel danin a hril ang.
______

KHUAVEL I LA CHHING NGEI ANG

(Tho la, ding ta che, i hliam a dam e) - Malsawmzuala, Solomon Lalruatsanga, LZ Tochhawng, Lalthuhrilliana, Lallawmzuala, KennyLallawmawma, Lalchungnunga, Lalchhandami, Lalsiampuii, Elizabeth C. Lalrinfeli, Rosangpuii, Lalnuntluangi, Lalhmunzuali)
1. Aw, ka pianna leh ka seilenna ram, Engv^ng nge i lo r<m le? Duhthul>ng i s^m sual v^ng em lo ni, Heti kauva i nat le?

Tho la, ding ta che, i hliam a dam e, 3. Hmanah kh^nin maw thinlai z$ng riai e, I tha\hum te a kiang e; Min ch$mtu chu d^rf>ng rual; Hnutiang hawi lovin ram kal siam ta che, Chengr^ng r^wl a au, kan muanpui si lo, Khuav>l i la chh$ng ngei ang. Z^n mu chh$n a har ngei e.
2. Si-^r l>ng mah khian lamtluang an chhui a, 4. Hnutiang hawi lovin nghilh zai r>l ila, Si z^ngkhua a bungb< e; Kan hliam hlui te dam rawh se; Kan t^n khua a v^r, khawf$ng lo chat e, Khua a s^ng ta hle, khua kan tlai ang e, Tho r'u le, i kal ang u. T<nah hian i kal ang u.

(Phuahtu : V. Thangzama)

(6)

MISSION VENG HMATHLIR

Mission Veng tia rilrua lo lang lian nghal chu Kohhran leh Biak Inpui a ni a, hmun danga mite tan pawh Synod tih leh Mission Veng tih hi sawi hran theih loh tluk a ni. Tunah chuan a veng hming leh Khawtlang inrelbawlna lamah chuan kan rilruah Mission Veng tih ai chuan North, South tih lam a lian ta mah mah. Mission Vengah ka awm kan tih chuan sawi zawm emaw insawifiah zui ngai a awm tlat. Kan inphochhuah danah hian midangin min thliar/identify zo ta lo deuh emawni chu aw a tih theih a ni! Kum 1891-ah missionary hmasa ber a lo chhuak a, Kohhran Ropui tak a din a, he Kohhran inrelbawlna hnuaiah hian khawtlang pawh a kal mai thin a. Mahse kum 1935 a rawn herchhuah meuh chuan YMA din a ngai ta. Heta chiang em em chu Kohhran hian khawtlang lam thil zawng zawng nen lam chuan a rel hman bik lo a ni ngei ang. Kohhran hnuaiah YMA a kal a, Kristian Tlangau-ah pawh YMA section a awm thin. Presbyterian ta bil ni tawh lovin tunah chuan Mizoram zawng zawng huap a lo ni ta. Kum 1897-98 kuma Pu Zosaphluian Helaiah hian Model Village i din ang tia cheng 100-a bul a lo tanna Mission Veng hmun hi YMA dinna veng a ni a, a hruaitu hmasate pawh Mission Veng mi vek an ni. Kumtir lamah khan Tanrual hi chakna a ni tih thupui hmangin YMA lam nen hun kan lo hmang ho tawh a, heti hian thalaite zingah chona kan lo siam a ni - Kohhran tana thahnemngai tak, piangthar tha tak hi, khawtlang tan kumin chhung hian eng nge ka tih tawh tih kan inchhut ngai em; Mission Vengah kumin hian mitthi kan nei nual tawh a, khawtlangin vawi tam tak chhiat kan tawk tawh tihna a ni. Vawi 1 tal i tlaivar tawh em, buhfai i khawn tawh em, thlan i lai tawh em, mitthi vui niah leh khawhar chhungte inah thingpui lum turin i kal tawh em ? Kohhrana inhmang lo te tih tura kan dah ringawt dawn a nih chuan zanina kan thupui Tanrual hi chakna a ni tih hi a hlawhtling zo lo vang, zanina helai hmuna lokal KTP member, YMA member ni bawk te hi kan in-zawt a ni. Hma i sawn ang u, tiin hun tha tak kan lo hmang hova. Chutiang bawkin kan khawtlang hruaitute pawh heti hian zawhna kan zawt bawk a -YMA Branch 2 kan awm a - lehlamah khawhar inah puan bih ngei ngei a ngai a, lehlamah a ngai kher lo. Khawi lam nge Mizo ta viau. Lehlamah thlanlaih a ngai a, lehlamah a ngai lova, lehlamah thingpui sen, lehlamah a paw. Khawilam nge tlawmngai ta viau zawk. Tihdan phungah hian Mizo leh zo loh a innghah rualin keimahni theuh a ni pawimawh tiin kan KTP hruaituten an lo sawi tawh bawk a ni. Tleirawl, Rawlthar leh Thalai te hi MISSION VENG chhungah hian kan buai a ni. YMA South Branch chanchinbu Kan Veng Issue-ah khan tun AMC atana Mission Veng ramri kan hauh tur chin chiang takin an rawn duan kan lo hmu a, hetianga lungrual tak leh thukhat vuaa kan tangho hi a lawmawm kan ti tak zet zet. Thalai thenkhat chuan a va zim tawh ve mawle ti pawlte pawh kan awm. Chutih rual chuan keini thalaite pawh hian kan tihtheih chinah chuan theih tawpa kan khawtlang hruaitute hnunga din hi kan inhuam reng a ni. He Mission Veng Area chhungah hian YMA Branch 2 kan awm emaw awm lo emaw he Mission Veng area tuna kan neih hi a zim leh zim loh lamah teh lo ila, a pawimawh ber chu a chhunga chengte kan inlungrual leh rual lohvah a innghat nasa hle zawk a ni. Mission Veng dintu Pu Zosaphluian veng leh khaw dang zawng zawng entawn tur Model Village, Chanchin Tha nen a lo din kha thlir let reng tur chu kan ni lova. Tunah hian khawtlang inrelbawlna lamah bung thar kaiin AMC hial kan lo nei ta a, Model Village ni leh tur hian zanina mite hi kan pawimawh hle. KTP lam pawh hi khawtlanga inhmang tak tak leh tangkai tak tak an awm rualin, a tam zawk
(7)

hi chu kan tangkai tawk lo hle mai a, a theih ang angin kan infuih ve reng bawk a. Kum 3 lai chu YMA hruaitute sawmin KTP programme-ah hian hun hman a lo ni tawh thin a ni. Tichuan, KTP chuan Questionnaire-te siamin, zawhna hrang hrang 7 awmin, May ni 23, 2011 KTP Inkhawmah he Questionnaire hi mi 258 in an chhang a. An chhanna chu hetiang hi a ni : 1. K|P memberte hi khawtlang rawngbawlna kawng hrang hrangah kan thawk \ha tawk i ti em? AW - 65%, AIH - 35% 2. K|P a theihtawp chhuah chung hian khawtlang rawngbawlna ah tun aia i in hman tam lehzual theih i in huam em? AW - 85%, AIH - 14% 3. Mission Veng hi Kohhran leh Khawtlangah kan \angho \ha tawkin i hria em? AW - 56%, AIH - 38% 4. Chhiat ni/lumen zanah hian YMA South leh North Branch hi kan inthliar ta deuhin i hria em? AW - 86%, AIH - 14% 5. Mission Veng hi kawng hrang hrangah lungrual taka \anho leh thawhho i duh em? AW - 96%, AIH - 3% 6. Mission Veng mipuite hi kan inpumkhat lehzual nan leh chak zawka hma kan sawn theih nan YMA Branch pakhata awm hi a pawimawhin i hria em? AW - 84%, AIH - 12% 7. Inzawmkhawm tura hma lakna hi awm ta se theih anga thlawp leh mawhphurhna neih i inhuam em? AW - 95%, AIH - 5% Tin, INTERNET-A Facebook lamah pawh mi thahnem takin inzawmkhawm an duh thu, thuziak a awm a ni. Tin, ram pawn lam hial atang pawha inzawmkhawm duh tu an awm a ni. Zanin kan boruak azirin, kan Kohhran hruaituten rem an tih bawk chuan, hei aia huam zau zawk, Questionnaire in tin deng kan hruaituten siamleh an la tum nghe nghe. Anih leh tunah hian YMA dinhmun hrim hrim hi han tarlang ila. Zoram pumah hian YMA Branch 782 a awm a, Member 362200 kan awm a ni. Branch lian ber hi Ramhlun North Branch an ni a (3720), 2-na Chanmari West, 3-na Mission Vengthlang an ni. Mission Veng YMA North Branchah hian member 2418 vel kan awm a, Mission Veng YMA South Branch hi member 1460 vel kan ni a = 3878. Han Inzawmkhawm ngat ila chuan Member tam ber kan ni mai dawn tihna a ni. A tam ber nih hrim hrim hi a ropui ber kan ti hauh lova mahse, YMA level intihsiakna hrang hrangah te, Hnam Lam leh thil tih nikhuaah te hian inzawmkhawm ila chuan hma kan sawn zawk ang em? Kan thinlung lam inzawm tha hle si hian, Area hian min thliar hrangin, daidana min siam tlat em? In fate, in naute, thalai rual hi chuan MISSION VENG hi a awm zel dawn a nih ngai chuan, kawng engkimah MISSION VENG PAKHAT chauh awm se tih hi kan duhthusam chu a ni mai. Chanchin tha nen inmawi taka veng hming an lo phuah hi humhalh zel tlakah kan ngai a. Mission Veng nih hi kan lawm a, kan veng hming kan sawia miten an hre fiah mai thin lo hi hrehawm kan ti a. Thangtharte hian MISSION VENG tih ringawt pawh hi kan chhuang thlawt a ni. Chu chu zanina kan khawtlang hruaitute leh kan nu leh pa zahawm tak tak lokal khawmte hian min hriatpuia, a kawng a awm thei dawn a nih chuan min ngaihtuahpui zui turin kan han inchah tak meuh meuh a ni. Upa Rokunga chuan, Chhung lam leh pawn lam hmelma indona thleng mahse, Hneh zel turin min pui la, ro min relsak ang che tiin hla a lo phuah a. - Siamtu Pathian rawn chung zelin; - Riangvai chanhai rethei chawikang turin, - Hal loten insuihkhawm ang. Zoram Lungphang suh tih hla i lo ngaithla zui ang u.
_______ (8)

ZORAM LUNGPHANG SUH

(Lalruatfeli@mapuii, Lallianmawia@mamawia, Malsawmtluanga@Sena) Doh is C 1. Zoram dung leh v^ng hr<tin, Perhkhuang \ing\ang buan ang pawm a; Hun kha leh chen suihlung ph^ng lo r>ngin, L>nlai ch>nin hlim zai v^wr a, Zoram kalsiam d^wn zai r>ng r>l lote'n maw, Aw Zoram min ngaidam rawh. 2. Tunah zawng hai ang \hangin, Perhkhuang zaitin thiam buan ang pawm a; Kan Ram kan Hnam damna insuihkh^wm hi, V>ng him t<r a, pheikhai v^wrin Eir<k hlemhl>tna \huam ang do zel n^ng e, Aw Zoram lungph^ng suh aw. 3. Hmatiang s^wn z>l Zofa l>ngte, I z^m lo'ng aw ringtu zawng zawngte; Harhin tho r'u hm>lma dor^l a lian e, Siamtu Pathian r^wn chung z>lin; Riangvai chanhai rethei chawik^ng t<rin aw, Hal lote'n insuihkh^wm ang. (Phuahtu : Rualthankhuma Chhakchhuak)

AW NANG, KAN LAL KAN PATHIAN

KHB 585 1. Aw Nang, kan Lal, kan Pathian, I hming ropui ber se; I hmaa kan lo k<n hian, kan d$l ngaithla ang che. Kan awm d^n t<r ngaihtuaha, mipui kan inkh^wmin, Finna ropui min pe la, ro min r>lsak ang che. 2. I finna leh theihna leh I hruaina lo r>ngin, Ropuina leh lal\hutthl>ng an ral leh thuai si \h$n. Nang erawh chu chatuanin, hnam tin t^n kulhpui nghet, Lalberte Lalber chuanin, ro min r>lsak ang che. 3. Chuv^ngin, aw, kan Pathian, hei hi kan d$l ber che, Kan ram, kan hnam min hruaian Nang chauh kan thlang a che. Chh<ng lam leh p^wn lam hm>lma indona thleng mah se; Hneh z>l t<rin min pui la, ro min r>lsak ang che. (Phuahtu : Upa Rokunga)

(9)

Chanchin Tha-in a zawnchhuah Ram, Zosap Misionary-in a din Veng kan ni. Chanchin Tha avanga Veng din awmchhun kan ni ang em aw a tih theih. Veng dang, khaw dang zawng zawng entawn tur a tana Model Village Mission Veng Pu Zosaphluian a din khan Mission venga awm turte tan dan 6 a siam a, chungte chu 1) In reng reng feet sawm tala inhlata sak tur a ni. (Hei hi kangmei laka himna atan tula hriat a ni a. An inte a inbit em avangin kangmei a chhuah tawh phawt chuan a khuain an kangfai leuh zel mai thin a ni a) 2) ran vulh te chu in hrang sak sak a, chutah chuan dah tur a ni. (Mizote hian hetiang hi an nei ngai lo. Bawng leh vawkte chu inhnuaiah zanah an riak a, ar chu in chhung/sumhmunah an dah mai thin a ni) 3) Liang/khanchhuk chu chhuat atanga feet 6 tala sang a ni tur a ni. 4) Chhung tinin ek in hran neih tur. 5) Tui in tur chhuanso sa vek tur. 6) Mi tin taima taka inkhawm ziah tur. Tun dinhmun Mission Veng hi tihian min thlen...tuna Mission Venga awmte hian hmalam hun, thangthar lo la awm tur te tan eng nge kan tih ve dawn le ?
Zokhaw dang ang lo takin Mission Veng chuan awptu lal leh khawnbawl a nei hran ngai lo va, Zosapte khan veng chhung inawpna leh inrelbawlna fel fai tak an siamsak a, veng dang/khaw dang entawn tur Model Village min dinsak a. Kohhran enkawl bakah khawtlang inrelbawlna zawng zawng kha Kohhranin a kengkawh vek a. Mission Veng Dan te siamin a kengkawhtu tur Veng Upate ruat an ni bawk. Kum 1935ah Zosapte vekin khawtlang lam inrelbawlna tur bik pawl tha tak Young Lushai Association (YLA) min dinsak a, hei hi tuna kan YMA (Young Mizo Association since 7th October,1947) tobul a lo ni ta nghe nghe a. Chuta hruaitute chu:President Vice President Secretary Asst. Secretary Treasurer : : : : : Rev. Lewis Evans (Pu Niara) Miss Katie Hughes (Pi Zaii) Pu Ch. Pasena (Upa Chawngnghilhlova) Pu Vankhuma (Pi Lalhliapi te pa) Rev. David Edwards (Zorema pa) te an ni.

1.

K|P memberte hi khawtlang rawngbawlna kawng hrang hrangah kan thawk \ha tawk i ti em? AW - 65%, AIH - 35% 2. K|P a theihtawp chhuah chung hian khawtlang rawngbawlna ah tun aia i in hman tam lehzual theih i in huam em? AW - 85%, AIH - 14% 3. Mission Veng hi Kohhran leh Khawtlangah kan \angho \ha tawkin i hria em? AW - 56%, AIH - 38% 4. Chhiat ni/lumen zanah hian YMA South leh North Branch hi kan inthliar ta deuhin i hria em? AW - 86%, AIH - 14% 5. Mission Veng hi kawng hrang hrangah lungrual taka \anho leh thawhho i duh em? AW - 96%, AIH - 3% 6. Mission Veng mipuite hi kan inpumkhat lehzual nan leh chak zawka hma kan sawn theih nan YMA Branch pakhata awm hi a pawimawhin i hria em? AW - 84%, AIH - 12% 7. Inzawmkhawm tura hma lakna hi awm ta se theih anga thlawp leh mawhphurhna neih i inhuam em? AW - 95%, AIH - 5% Tin, INTERNET-A Facebook lamah pawh mi thahnem takin inzawmkhawm an duh thu, thuziak a awm a ni. Tin, ram pawn lam hial atang pawha inzawmkhawm duhtu an awm a ni.

- Siamtu Pathian rawn chung zelin; - Riangvai chanhai rethei chawikang turin, - Hal loten insuihkhawm ang. MISSION VENG LUNGPHANG SUH AW... - KRISTIAN THALAI PAWL MISSION VENG BRANCH (10)