You are on page 1of 34

Anorexia Nervosa:

Mga Salik at Epekto sa


Kababaihang Tinedyer
Lanuza. Lim. Malonzo. Manahan. Manalili. Manlapaz.
PAKSA
Ang paksa ay nilimitahan ng mga mananaliksik sa
mga kababaihang tinedyer
Ito ang napiling paksa ng grupo dahil ito ang
nakapukaw sa atensyon ng mga mananaliksik at
sakop ito ng agham pangsikolohiya.
RASYONAL
Ang paksang ito ay makatutulong upang mabigyan ng
sapat na kaalaman ang mga kabataan, partikular na
ang mga kababaihan, sa mga sanhi at bunga ng
Anorexia Nervosa sa kanilang sarili at sa lipunan.
Mahalaga na mabigyan ng impormasyon at
maipaliwanag sa mga kabataan ang importansya ng
pagpapahalaga sa kanilang mga sarili sa pag-iisip at
sa pangangatawan.
Layunin ng pananaliksik na ito na
masagot ang mga sumusunod na mga
katanungan:
a. Ano ang Anorexia Nervosa?
b. Bakit nagkakaroon ng Anorexia Nervosa ang isang
babaeng tineydyer?
c. Paano malulunasan ang Anorexia Nervosa?
PAMAMARAAN
Isinagawa ang pananaliksik na ito sa pamamagitan ng
pangangalap ng mga datos sa mga libro at artikulo na
may kaugnayan sa paksa sa mga hanguang sekondarya
at elektroniko na nakuha sa silidaklatan ng Faculty
of Medicine and Surgery at Miguel de Benavides
Library.
Ang grupo ng mananaliksik ay nagtungo sa Miguel de
Benavides Library ng tatlong ulit at dalawang ulit
naman sa silid-aklatan ng Faculty of Medicine and
Surgery upang magdagdag ng ilan pang mga datos
para mabuo ang pananaliksik.
PANIMULA
Ang mga sakit sa pagkain ay marapat lamang na
bigyan ng sapat na pansin sapagkat nakakaapekto
ito sa pangkabuuang kalagayan ng pisikal,
emosyonal at mental na aspeto ng isang indibidwal.
Hindi maikakaila na nagiging basehan na ng
kagandahan ang mga mensahing ipinababatid ng
mga magasin at mga patalastas ang pagkakaroon
ng magandang katawan at ang pagiging payat ang
susi sa tunay na kagandahan.
Isa sa mga malubhang uri ng sakit sa pagkain ay ang
Anorexia Nervosa. Ito ay ang pagnanais na labis na
pumayat o takot na tumaba. Ang mga indibidwal na
may Anorexia Nervosa ay may mataas na kagustuhang
pumayat at magkaroon ng kahangahangang
pangangatawan.
PAGTATALAKAY
Ang Anorexia Nervosa ay isang uri ng sakit sa pagkain
sakit kung saan nagkakaroon ng pagbabago sa gawi ng
pagkain maaaring sobrang paglilimita o pagbabawas
sa pagkain. Ayon kay Sizer at Whitney (2009), ito ay
ang pagtanggi na makamit ang normal na timbang,
self-starvation at kakaibang persepsyon sa timbang at
pangangatawan
Ang salitang anorexia ay nangangahuluhang without
appetite, samantalang ang nervosa naman ay may
kahulugang of nervous origin.
Ang mga indibidwal na may ganitong sakit ay malimit
na naghahanap ng mga bagong pamamaraan sa
pagpapapayat. Ilan sa mga katangian ng tineydyer na
may Anorexia Nervosa ay tuyot na balat, marurupok
na kuko, maputlang kulay ng balat, lubog na mga
mata, putok-putok na mga labi, lilang kulay ng paa at
kamay dahil sa mahinang sirkulasyon ng dugo at
paghinto ng buwanang dalaw.
Ayon sa istatistiks, 3% hanggang 10% ng mga taong
may Anorexia Nervosa ay tuluyang namamatay.
Maaaring sanhi ito ng pagpapakamatay , sakit sa puso,
at iba pang mga sakit na kaakibat nito (Wardlaw &
Hampl. 2007).
Mula sa pag-aaral ay napag-alaman na mayroong 35-
57% ng mga kababaihang tineydyer ang sumasailalim
sa crash dieting, fasting, self-induced vomiting, diet
pills, o laxatives. Mas karaniwan ang mga ito sa mga
kababihang overweight kaysa sa mga kababaihang
may normal at proporsyon na katawan. (Boutelle,
Neumark-Sztainer, Story, & Resnick, 2002; Neumark-
Sztainer&Hannan, 2001; Wertheim et al., 2009).
Ayon kay Robinson (2009), biyolohikal ang
terminong sinabing pinakaimportanteng
impluwensiyang nagbubunga ng saykayatrikong
presentasyon.
Ang pagbabago ng kemikal sa utak ay maaaring
maging genetically determined, ngunit ang posibleng
resulta ng impluwensiya ng kapaligiran ay may
malaking kahalagahan.
Ang pagbabago ng kemikal sa utak ay maaaring
maging genetically determined, ngunit ang posibleng
resulta ng impluwensiya ng kapaligiran ay may
malaking kahalagahan.
Sa biyolohikal na salik nito, may relasyon ang gene,
edad at puberty. Karamihan sa mga biktima ng
Anorexia Nervosa ay nagsisimulang magkaroon nito
kapag sila ay 11 hanggang 14, ngunit mas malakas ang
epekto ng puberty kaysa sa edad. Ipinapahiwatig nito
na may potensyal na tungkulin ang pagbibinata sa
pag-aktiba ng gene na may importansya sa
pagkakaroon ng diperensya sa pagkain.
Ayon kay Strober et al. (2006), ang Anorexia Nervosa
ay napapasa sa pamilya. Nag-iiba ito ng anyo galing sa
isang subtype (Eddy et al. 2002; Milos et al. 2005) at
nagpapakita ng magkakaparehas na kaugalian
(Lilenfield et al. 2000).
Mayroon ding malaking kontribusyon ang aspetong
sosyolohikal. Isang paglalarawan sa pamilya ng
indibidwal na may Anorexia Nervosa ay masyadong
mahigpit, kontrolado, at kulang sa komunikasyon.
Ayon kina Sizer at Sienkiewicz (2009), ang pamilya
ng mga tineydyer na may Anorexia Nervosa ay
kadalasang nagiging mapanuri at nagbibigay ng higit
na pagpapahalaga sa pisikal na kaanyuan. . Para sa
kanila, ang tunay na kagandahan ay hindi nakikita sa
panloob na anyo, bagkus ay matatagpuan sa
panlabas na kaanyuan.
May mga pagkakataon naman na pinapanigan ng
mga magulang ang kagustuhan ng kanilang mga anak
na maging payat at magkaroon ng kahangahangang
katawan kahit na untiunti itong kina-kikitaan ng
sintomas ng pagkakaroon ng Anorexia Nervosa. Ang
pagbabagobago ng kilos at paguugali ng mga
magulang ay maaaring magdulot ng kalituhan sa
kanilang mga anak.
Ang proseso ng pagdadalaga't pagbibinata o
puberty, pagpasok sa isang romantikong relasyon,
pagkakaroon ng lupon ng mga kaibigan o barkada,
peer pressure at bullying ay may malaking epekto
rin sa pagkakaroon ng Anorexia Nervosa.
Ang bullying ay nakakababa ng pagpapahalaga sa
sarili ng isang tao. Ang mga kababaihang tineydyer
na nakaranas ng panunukso tungkol sa kanyang
hitsura ay maaaring magkaroon ng sakit sa pagkain
kagaya ng Anorexia Nervosa. Samantala, maaari
ding makaramdam ng insekyuridad ang isang
tineydyer sa kanyang kaibigan na may magandang
pangangatawan. Ang insekyuridad na ito ay
maaaring magtulak sa isang tineydyer upang
magpapayat.
Ang stress, mababang pagtingin sa sarili, pagkawala
ng isang mahal sa buhay, pagkabalisa, kalungkutan,
kultura, biyokemikal, pati genetiko ay nakakaapekto
rin sa pagkakaroon ng isang tinedyer ng Anorexia
Nervosa.
Malaki rin ang ginagampanan ng kultura sa
pagkakaroon ng isang tao ng Anorexia. Ang kultura
na nagpopokus sa pagiging payat ang nagiging
basehan ng kagandahan.
Ang pagiging perfectionist ng isang tao ay isa ring
sanhi ng pagkakaroon ng Anorexia Nervosa. Sa
paghahangad ng perpektong katawan, gumagamit
sila ng ibat ibang paraan para makamit ito.
Ayon kina Wadlaw at Hampl (2007), ang mga sakit
sa pagkain ay maaaring sanhi ng stress at pressure
mula sa sarili, pamilya at kapaligiran. Hindi
maikakaila sa panahon ngayon na mas binibigyang
kahalagahan ng nakararami ang pisikal na kaanyuan
upang mas maging katanggap-tanggap sa lipunan. Sa
midya, tulad ng telebisyon, internet, mga babasahin
at poster makikita ang mga napapanahon o nauuso.
Ang mga ito ay nagiging basehan ng kagandahan o
katanggap-tanggap para sa nakararami.
Sapaghahambing ng mga kababaihang tineydyer ng
kanilang mga sarili sa kanilang iniidolo,
naisasakripisiyo ang kanilang kalusugan.
Ayon kina Cash at Butters (1983), kapag ang babae
ay gumawa ng mga paghahambing ng sarili sa imahe
ng kanilang pinapangarap na katawan, nakararanas
sila ng pagbaba sa pagdama ng kanilang sariling
pisikal na pagiging kaakit-akit.
Ang paggamit ng ibat ibang gamot, sobrang
paglimita sa pagkain, pag gamit ng ibat ibang
kasangkapan o makinarya sa pag papapayat
Karaniwansa isang taong may Anorexia Nervosa ang
magkaroon ng mababang pagpapahalaga sa sarili.
Nagkakaroon sila ng pakiramdam na sila ay walang
halaga sa lipunan dahil para sa kanila, hindi nila
matugunan ang mga pamantayan ng lipunan.
Nagkakaroon ng pagkukumpara ng sarili sa ibang tao
na ginagawang modelo o hambingan ng kagandahan.
Ang madalas na pagkumpara ng sarili sa iba ay higit
na hindi sigurado sa kanilang sarili: nagpakita ang
mga ito ng mas mababang antas ng pagpapahalaga
sa sarili at mas mataas na antas ng panlipunang pag-
aagam-agam, sariling kamalayan sa publiko at
neuroticism, at sila ay higit na sensitibo sa pag-
uugali ng ibang mga tao.
Ilan sa mga paraan upang malunasan ang Anorexia ay
ang mga sumusunod:
1. Pagtatatag ng isang terapyutikal na relasyon.
2. Tiyak na teraping pangkaisipan.
3. Hindi-berbal na terapi.
4. Pakikitungo ng pamilya.
5. Teraping may intensibong pag-aalaga.
6. Nutrisyonal na terapi.
7. Parmakolohikal na pamamagitan
Ayon kina Mayer, et al (2007), kahit na gumaling at
mabalik ng mga taong mayroong Anorexia Nervosa
ang kanilang normal na bigat at timbang, may
posibilidad pa rin na bumalik sila sa dati. Ito ay
tinatawag na relapse.
Base sa eksperimentong naisagawa sa mga
kababaihang mayroong Anorexia Nervosa na
gumaling at tumaba na nang kaunti, natuklasan na
mas mababa ang tsansa na magkaroon ng relapse
ang mga kababaihang mas maraming taba.
LAGOM
Inilahad at tinalakay sa pag-aaral na ito ang mga
natuklasan na salik o sanhi sa aspetong sikolohikal,
sosyolohikal, biyolohikal, midya at kultura at maging
ang mga epekto ng Anorexia Nervosa sa sarili at
lipunan.
Tinalakay din sa pag-aaral na ito ang mga sintomas at
ang mga natuklasang lunas tulad ng terapi at ang
paggamit ng aspetong parmalohikal.
KONKLUSYON
1. Ang Anorexia Nervosa ay isang malubha at
nakamamatay na karamdaman kung saan ang
indibidwal na may ganitong karamdaman ay
mayroong matinding pagkahumaling sa
pagpapapayat at pagkakaroon ng perpektong
katawan. Mayroon silang kakaibang persepsyon sa
timbang at pangangatwan. Sa pagnanais na
magkaroon ng kahanga-hangang katawan, binabago
nila ang kanilang gawi sa pagkain at ginagawang
labis ang kanilang pag-eehersisyo.
2. May ibat ibang mga bagay na nagiging daan sa
pagdebelop ng Anorexia Nervosa sa mga
kababaihang tinedyer. Ang biyolohikal, sosyolohikal
at sikolohikal na aspeto ay may kontribusyon sa
pagkakaroon ng Anorexia Nervosa. Ang stress,
pagkabalisa, depresiyon, pagiging perfectionist,
mataas na istandard ng kagandahan, kultura,
midya, pati na rin ang genetika ay ilan rin sa mga
bagay na nagdedebelop sa Anorexia Nervosa.
Maraming epekto ang Anorexia Nervosa sa mga
kababaihang tineydyer. Nariyan ang epekto sa
pisikal na kaanyuan, sa emosyonal at mental na
estado, pagbabago sa gawi o kilos at epektong
pangsikolohikal.
3. Maraming posibleng lunas sa sakit na Anorexia
Nervosa. Ang ilan sa mga ito ay ang, pagkakaroon
ng tiyak na teraping pagkaisipan, pagtanggap ng
teraping hindi-berbal, maayos na pakikitungo ng
pamilya, pagtanggap ng teraping may intensibong
pag-aalaga, nutrisyonal na terapi, at sa
pamamagitan ng parmalohikal na lunas.
REKOMENDASYON
Buong-pagpapakumbabang iminumungkahi ng
mananaliksik ang mga sumusunod:
a. Para sa iba pang nagnanais manaliksik ukol sa
sakit na Anorexia Nervosa, ipagpatuloy ang
paghahanap ng datos ukol dito nang sa gayon ay
magkaroon pa ng maraming impormasyon at mas
mapalawak pa ang pag-aaral nito. Gumamit rin
ng iba pang saklaw gaya ng sarbey at interbyu
upang mapatunayan at palakasin ang mga
natuklasan sa pag-aaral.
b. Para sa mga kababaihang tineydyer na mahilig
magpapayat sa kadahilanang gustong makamit
ang ninanais na katawan, ito ay nakatutulong na
magkaroon sila ng sapat na kaalaman sa magiging
epekto nito sa kanilang kalusugan.
c. Para sa pamilya ng mga kababaihang tineydyer
na may Anorexia Nervosa, maging bukas sila sa
kung anuman ang kondisyon ng kanilang mga
anak. Matindi ang kanilang pangangailangan ng
pag-unawa at pagtitiyaga. Mahalaga ang
pagkakaroon ng komunikasyon at malimit na
pakikipag-ugnayan sa kanilang mga mahal sa
buhay na may Anorexia Nervosa.
d. Para sa mga mag-aaral ng sikolohiya, lawakan pa ang
pag-unawa sa mga indibidwal na may Anorexia
Nervosa. Ito ay lubos na makatutulong sa kanilang
mabilis na paggaling.
e. Para sa mga guro, pagtuonan ng pansin ang
pagmumulat sa mga mag-aaral ukol sa iba't ibang
mga sakit sa pagkain gaya ng Anorexia Nervosa.
Patuloy na gabayan ang mga mag-aaral upang mas
maging handa at mulat sila sa mga ganitong
karamdaman.
f. Para sa mga mambabasa, patuloy na lawakan ang
pananaw sa mga sakit sa pagkain. Maging mas
maunawain sa mga indibidwal na may ganitong
kondisyon.
TALAAN NG SANGGUNIAN
Canetti, Laura. (2008). Anorexia Nervosa and Parental Bonding: The
Contribution of Parent-Grandparent Relationships to Eating Disorder
Psychopathology. Journal of Clinical Psychology, 64(6), pp. 703-716.

Corning, A., Krumm, A. & Smithan, L. (2006). Differential Social Comparison


Processes in Women With and Without Eating Disorder Symptoms.
Journal of Counseling Psychology, 53(3), pp. 338-349.

Fisher, B., & Schenkman, M. (2012). Functional Recovery of a Patient With


Anorexia Nervosa: Physical Therapist Management in the Acute Care
Hospital Setting. Physical Therapy, 92(4), pp. 595- 603.

Franco, D.L. (2010). Eating Disorder Symptomatology. Journal of Clinical


Psychology, 66(6),pp. 666-679.
Heinicke, B.E., Paxton, S.J., McLean, S.A. & Wertheim, E.H. (2007).
Internet-Delivered Targeted Group Intervention for Body
Dissatisfaction and Disordered Eating in Adolescent Girls: A
Randomized Controlled Trial. Journal of Abnormal Psychology,
35, pp. 379-391.

Keski, R. (2007). Epidemiology and Course of Anorexia Nervosa in the


Community. The American Journal of Psychiatry,164(8), pp. 1259-
1265.

Kring, A., Johnson, S., Davison, G. & Neale, J. (2010). Abnormal


Psychology. New Jersey: John Wiley & Sons (Asia) Pte., Ltd.

Robinson, P. (2009). Severe and Enduring Eating Disorder (SEED):


Management of Complex Presentations of Anorexia and Bulimia
Nervosa. Chichester, United Kingdom: Wiley Blackwell.
Schatzberg, A.F., & Nemeroff, C.B. (2009). The American Psychiatric
Publishing Textbook of Psychopharmacology. Arlington: American
Psychiatric Publishing Inc.

Sizer, F.S., & Whitney, E. (2009). Nutrition: Concepts and Controversies.


Australia: Wadsworth Cengage Learning.

Thompson-Brenner, H., Boisseau, C.L. & Satir, D.A. (2010). Adolescent


Eating Disorder: Treatment and Response in a Naturalistic Study.
Journal of Clinical Psychology, 66(3), pp. 277-301.

Wardlaw, G.M., & Hampl, J. S. (2007). Perspective in Nutrition (7th


edition). New York: McGraw-Hill Companies, Inc.

Williams, M.H. (2010). Nutrition for Health, Fitness and Sports. New
York: The McGraw-Hill Companies Inc.
APENDIKS

Ang mga mananaliksik ay


naghanap ng mga aklat at
dyornal sa Health Sciences
library noong --
Ang mga mananaliksik ay Ang mga mananaliksik ay
nagtipon-tipon upang mapag- nagkaroon ng diskusyon kung
aralan ang mga impormasyong paano isasaayos ang
nakalap ukol sa paksa. pananaliksik.
Anorexia Nervosa:
Mga Salik at Epekto sa
Kababaihang Tinedyer
Lanuza. Lim. Malonzo. Manahan. Manalili. Manlapaz.

You might also like